আবোলাইন্ন্যা

0
9

চট্টগ্রামের আঞ্চলিক ভাষার কবিতা

আবোলাইন্ন্যা

দঅত দিলে দঅত হাইবেন
ইয়েন সুন্নতি হাম!
দঅত ছাড়া হাইতু যাইলে
অইবু দে বদনাম।

আবোলাইন্ন্যা, দঅত ছাড়া
কেএনে হাইত ফারঅ?
সাহেবে দাওয়াতর হষ্টর উরদি
কিল্লেই হষ্ট বাড়অ?

হোঁশ গরি তে দঅত নদে
আক্কল গরি যঅর,
এসব হতা আর হত হইবে
ওয়া বেআহল গউর?

তহন দেইখতাম মেজ্জানত তারা
দঅত ছাড়াই যার,
ফুসর গইরল্যা হয়, ‘মেজ্জানত
দঅত কিল্ল্যা লাআর’?

উগ্গোরে হইলে চারগঅ যাইবু
ভাই ব্রাদার লই,
তারার লাই যে শট ফরিবু
ইয়েন হয় বার হই?

বিয়ের দঅতত কিছু সেয়ানা
হঅর ভাড়া লইতু!
ম্যাক্স বা তার ফেএনর লাই
লউন্ড্রির হাছে যাইতু!

এইবার তারা ক্লাবত যাই
খুব ভাবসাব লয়,
পাত্র পাত্রীরে ন চিনিলিঅ
চিনে বুলি হঅয়।

তারার লাই দোনো ফক্ক
গেইটুত ফাআরা লয়,
হাআর দঅত আইস্সি তারা
ফুসর গরি লয়।

চিনি লঅ তারারে তুলি নদে
গাবাইন্নের মন্নান নরম!
আবোলাইন্ন্যা হাই বন্নাআইঅ গরে
নাই দি হনঅ শরম।

যে দঅত হাবায়, তে জানে
হত হষ্টর এই টেঁয়াঃ
আবুলাইন্ন্যারে গাইল দিস
নইলে ফাইল্ল্যা ঠেঁয়া!

—-
মোঃ নাজিম উদ্দিন
ডিসেম্বর ১, ২০২২