আঞ্চলিক ভাষার কবিতাঃ নেতা

0
6

নেতা

 

চঅরির অভাব, চইলুর অভাব,
অভাবে ভরা এ দেশ,
অভাব নাইদি নেতা কেথার!
বেয়াক হাই দাই শেষ!

বড় নেতা আর চোড নেতা,
আছে চাইরু মিক্কে,
ফেতি নেতার লাই আঁডা নযার
যিক্কে চাইবে ইক্কে!

নেতা আচিল দি আঁরার বঙ্গবন্ধু
ফজলুল হক আর ভাসানি,
সোহরাওয়ার্দী আর তাজউদ্দিন
বেয়াগুনুরে আঁরা মানি।

এহন দেইরদি বেয়াগ্গুন নেতা
হর্মীর যে বড় অভাব,
মাইর পিট গরন, খমতা দেহন
এই নেতাঅলর স্বভাব।

বাইক এক্কান জোগাড় গরিবু
সানগ্লাস দিবু চগুত,
জিন্সুর ফেএন আর গঞ্জি ফরিবু
আঁডন অ তারার অদ্ভুত!

রাজনীতির তারা ‘র’ জানে না?
নাই তারার হন ‘নীতি’;
বড় নেতার লয় ছবি আছে
ইয়েনেই শক্তি, স্মৃতি!

তেল মারিবু আর ফাম মারিবু
ফ্রি হাইবু চা আর ভাত!
ধরি আইনতু হইলে মারি আনিবু
দেশআন গরিবু বরবাদ!

ব্যানারঅর দাম হমি যঅনে
দেহি হালি তারার ছবি,
ছবির ভিতুর তোর বড় নেতারে
আর হত তেল মারিবি?

রাজনীতি জানিয়্যেরে, দেশর হাম গরি
কর্মী অউগুই আগে,
তঅই একদিন নেতা অইত ফারিবে
নফুইল্লু গোসসায়, রাগে।

আইজকেল ইয়্যিনুর এতো দাম নাই
ওয়া ফেতি-বড় নেতা,
ইয়্যিন ছাড়ি ভালো অই যঅগুই
ন ফাইয়্যু মনত ব্যথা।


মোঃ নাজিম উদ্দিন
নভেম্বর ২৪, ২০২২